Mohamed Jatami Iraneko presidenteak onartu duenez, lurrikararen ondorioz izandako kalteak oso handiak eta garrantzitsuak izan dira, eta egoerari buelta emateko Nazioarteko larrialdi zerbitzuen laguntza eskatu du.
Hondakinen artean bizirik daudenen bila dabiltza, baina zailtasun handiak dituzte, ez baitute argindarri ezta urik ere. Gauean, gainera, 3 graduko tenperaturarekin aritu dira lanean Bam hirian. Hori dela eta, hildakoen gorpuak berehala lurperatzen ari dira gaixotasunak zabaldu eta izurriterik sortu ez dadin.
Lurrikara Iranen
Azken zenbaketaren arabera, 30.000 dira hildakoak eta 60.000 zaurituak
IRNA Iraneko berri agentzia ofizialak gaur goizean zabaldu duenez, gutxienez 30.000 pertsona dira atzo Iraneko Bam hirian izandako lurrikararen ondorioz hildakoak eta 60.000 zaurituak. Iturri horien arabera, Nazioarteko laguntza taldeek hilotzak ateratzen jarraitzen dute hondakinen artetik, eta gero eta gehiago dira Iranera hurbiltzen ari diren erreskate taldeak. Errusia, Suitza, Alemania eta Erresuma Batuko erreskate taldeak dagoeneko iritsi dira. Atzo Bam hirian gertatu zen lurrikarak Ritcherren eskalan 6,3 graduko indarra izan zuen, eta hirian dauden eraikinen %75 guztiz suntsitu zituen.
Iruzkinak
Ez dago iruzkinik
Ordenatu
