Don Muang Bangkokeko bigarren aireportua hartu dute bart goizaldean Thailandiako Gobernuaren kontrako manifestariek, atzo Suvarnabhumi hiriburuko aireportu nagusia bezala. Hain zuzen ere, Suvarnabhumi oposizioko manifestariek blokatuta zutenez Don Muangera bideratuak zituen Thailandiako Gobernuak aire trafikoko funtzio nagusiak, baina esan bezala, bart goizaldean manifestariek hartu dute haren kontrola.
Ondorioz, Thailandiako bi aireportu nagusiak itxita daude eta milaka turista herrialdetik ezin aterata. Egoera horretan direnen artean badira zenbait euskal herritar.
Egoera hori dela-eta, salbuespen egoera ezarri du Somchai Wongsawat lehen ministroaren Gobernuak bi gune haietan. Oposizioak haren dimisioa eskatzen du protestak bertan behera uzteko, baina egoera larria izan arren halakorik ez duela egingo berretsi du Wongsawatek.
Thailandia
Bangkokeko bi aireportuak Gobernuaren kontrako manifestarien menpe
Salbuespen egoera ezarri du aireportu haietan Thailandiako Gobernuak. Guneok blokatuta dauzkatenez, hiritik atera ezinik daude milaka turista, tartean zenbait euskal herritar.
Iruzkinak
Ez dago iruzkinik
Ordenatu
