The Washington Post egunkarian jardun zuen 26 urtez. Erredakzioaren buru zenean Carl Bernstein eta Bob Woodward kazetariek Watergate afera jorratu zuten, eta Bradlee arduratu zen lan hura ikuskatzeaz, editore gisa. Richard Nixon AEBetako presidentea dimisioa ematera behartu zuen Watergate auzia-k; afera ageriratu ondoren, mundu mailako erreferenteetako bat bilakatu zen kazeta.
Egunkarian aritu zen azken 23 urteetan, egunkariaren argitaraldia 446.000 aletik 802.000 alera igo zen, eta 23 Pulitzer sari irabazi zituen.
Barack Obama AEBetako presidenteak ohar bat kaleratu du haren heriotzaren ondotik. "Kontatu behar ziren istorioak kontatu zituen; gure mundua eta gure burua apur bat hobeto ezagutzen lagundu ziguten istorio horiek".
