Silvio Berlusconi Italiako presidenteari atzo eraso egin zioten aurpegian, masailean eta ezpainean kolpe handia dauka, sudurra apurtua, bi hortz hautsita, erietxean sartu zuten, eta gaur Alberto Zangrillo medikuak jakinarazi du bihar arte-edo edukiko dutela bertan. Hala ere, ez diote ebakuntzarik egingo. "Presidenteak ez zuen kordea galdu, baina beste ordu batzuez egon beharko du hemen", adierazi du medikuak. Hogei bat egun beharko ditu osatzeko.
Milanen izan zen gertaera, Duomo plazan, Berlusconik hitzaldia eman ondotik. Autora bidean bere jarraitzaileak agurtzen ari zen, eta ustez 42 urteko gizonezko batek jo zuen, estatua txiki batekin. Poliziak atzeman egin zuen -ez du delitu aurrekaririk-.
San Raffaele erietxean daukate Italiako presidentea.
italia
Berlusconik erietxean segituko du, atzo aurpegian erasoa jaso ostean
Italiako presidentea estatua txiki batekin jo zuten, Milanen, eta masailean eta ezpainean kolpe handia du, sudurra apurtua eta bi hortz hautsita. Dena den, ez diote ebakuntzarik egingo.
Iruzkinak
Ez dago iruzkinik
Ordenatu
