asteartea
Herrialde Katalanak: Bloc Nacionalista Valencia talde abertzaleak salatu zuen Valentziako Estatutuaren erreforma eztabaidatzeko Legebiltzarrak igorri zion gonbidapena soilik gaztelaniaz zegoela. Valentziako Gobernuan den «PP Alderdi Popularraren hipokresia izugarria» gaitzetsi zuen Blocek, katalaneraren aurrean «valentziera hizkuntzatzat jo bai, baina gero ez du erabiltzen».
asteazkena
Eskozia: Eskoziako gaelikoaren aldeko Comann na mParant taldeak eskatu zuen ikastetxeetan Eskoziako jatorrizko hizkuntzak ingelesaren pareko estatusa izatea eta Gaelikoaren Lege proiektuak hori bermatzeko.
osteguna
Galizia: Espainiako Senatuko presidente Javier Rojok iragarri zuen otsailetik aitzina senatari galiziarrek bertan galizieraz hitz egin ahal izango dutela, «baina salbuespen batzuekin». Alta, araudia aldatu beharko dute.
ostirala
Herrialde Katalanak: EBko Kontseiluak «katalaneraren batasuna» aintzat hartu zuen. Horren aurrean, eta Espainiako Gobernuak EBri «katalanera bat» dela esan zionez, Esquerra Republicana de Catalunyak iragarri zuen Madrilek 2005erako dituen aurrekontuen alde bozkatuko duela.
