BESTE BATASUNA. Udal barrutietan nikaba eta burka eramatea debekatu du Lleidak

Aurrerantzean Lleidako Udalarenak diren esparruetan ezin izango da ez burkarik ez eta nikabik ere eraman. Hala erabaki zuen atzo udal batzordeak. Halako erabaki bat hartu duen Herrialde Katalanetako lehen udala da Lleidakoa. ERC Esquerra Republicana de Catalunyako bi ordezkariak abstenitu egin dira eta ICV Iniciativa per Catalunya-Verdseko ordezkariak erabakiaren aurkako botoa eman du. Azken horrek salatu du neurria ez dela beharrezkoa eta kontrako eragina izango duela. Komunitate musulmanak, bestetik, Auzitegi Konstituzionalera joko duela iragarri du.