Israelgo armadaren hegazkinek Gaza (Palestina) bonbardatu eta beste hiru palestinar hil dituzte gaur. Palestinako mediku zerbitzuen arabera, hiru hildakoak ekintzaileak dira. Haiek zihoazen autoa Israelen misil batek jo du, eta berehala zendu dira.
Israelek esan du Gazatik atzo suziriak bota zituztela bere lurraldera —ez zen inor hil— eta horregatik erantzun duela.
Azkeneko egunetan, hamazazpi palestinar hil ditu —11 ekintzaile eta sei zibil—.
