Ekialde Hurbila

"Borrokak amaitzeko konpromisoa" hartu arren, Israelgo armadak hiru palestinar hil ditu, tiroz

Asteartean Sharm-el-Sheikhen (Egipto) egindako bileran "borrokak amaitzeko konpromisoa" hartu zuten PAN Palestinako Aginte Nazionaleko presidente Mahmud Abbasek eta Israelgo lehen ministro Ariel Sharonek. Hala ere, azken orduetan indarkeria kasu ugari izan dira Ekialde Hurbilean. Isralgo armadak hiru palestinar hil ditu bart iluntzean Gazan; horietako bi Hamas erakundeko kideak ziren. Hamasek Gazako Gush Katif eta Neve Dekalim kokaguneak eraso ditu goizaldean, baina ez da zauriturik izan. Hamasek adierazi duenez, "morteroz egindako erasoa Israelek hiru palestinar hil izanaren ondorio da".

2005eko otsailaren 10a

12:45

Entzun 00:00:00 00:00:00

Israelgo armadak Gazako hainbat errepide itxi ditu; Gazatik Israelera lanera joandako langileei muga igarotzeko baimena ere kendu die Tel Avivek. Horretaz gain, Israelek PANeko hainbat ordezkarirekin iragarrita zituen bilera guztiak bertan behera uztea erabaki du.

Al Sarayako espetxea eraso dute ekintzaile palestinarrek

Palestinar talde batek Gazako Al Sarayako espetxea oldartu du. Erasoan Israelgo zerbitzu sekretuetako bi kide hil dituzte. Palestinako iturrien arabera, erasotzaileak Israelgo armadak hildako ekintzaile palestinarren senideak ziren. Iturri horien arabera, hildako bi lagunak palestinarrak ziren, baina Israelgo zerbitzu sekretuentzako egiten zuten lan. Israelgo armadak egindako eraso ugaritan "ezinbesteko kolaboratzailetzat" jo dituzte.

Aukeratu BERRIA gogoko iturri gisa Googlen. Aktibatu hemen

Iruzkinak

Ez dago iruzkinik

Ordenatu

Gehien irakurriak