Ukrainako iraultza laranja bultzatu zuten bi buruzagi nagusien alderdiek elkarrekin gobernatzeko modua izango dute, boto zenbaketaren amaieran orain arteko joera nagusitzen bada. Botoen %50 zenbatu dituhauteskunde batzorde zentralak dagoeneko, eta Julia Timoxenko lehen ministro ohiaren alderdia da bozkatukena (%33,3).
Egungo lehen ministro Viktor Janukovitxen Eskualdeen Alderdia da bigarrena, botoen %30,66rekin. Beraz, Timoxenkoren eta Janukovitxen emaitzen artean oso txikia da aldea. Hirugarren alderdia, ordea, Viktor Justxenkoren Gure Ukraina-Herri Autodefentsa da (%15,55), hau da, Timoxenkorekin aliantza laranja egina duen indarra. Horrenbestez, botoen %48,85 dute aliantzakoek erdia zenbatuta.
Timoxenko eta Justxenko Ukraina Errusiaren itzalpetik aldentzea aldarrikatu zuen iraultza laranjaren bultzatzaileak izan ziren. Janukovitx, berriz, Moskuren ildoaren aldekoa da.
Ukraina
