Turkiako Barne Ministerioak jakinarazi duenez, Kurdistango hiru hiritako alkateak kargugabetu ditu PKK Kurdistango Langileen Alderdiarekin harremana dutelakoan, Dijarbakirkoa (600.000 biztanle), Mardingoa (80.000) eta Vanekoa (370.000). HDP Herriaren Alderdi Demokratikoko alkateak dira hiruak, azken hauteskundetan aukeratuak. Kargugabetu ostean, probintzietako gobernadoreak hartu du alkatetza horietako agintea; gobernadorea Turkiako Gobernuak izendatzen du.
Jada dozenaka dira 2016ko ustezko estatu kolpeak huts egin zuenetik Turkiako Gobernuak ordezkatu dituen HDPren alkatetzak. PKK erakunde terroristen zerrenda dute Ankarak, AEBek eta Europako Batasunak eta aitzakia hori erabiltzen du agintea hartzeko Recep Tayyip Erdoganek; hala egin zuen mehatxu kanpainan. Zenbait alkate espetxeratu egin dituzte. Milaka dira espetxeratutako HDPko kideak, tartean, Selahattin Demirtas buru izan zena.
