Futbola
Ebakuntza egingo diote Realeko Aranbururi
Eskuin belauneko lotailu guruzatuak hautsiak ditu Mikel Aranburu Realeko jokalariak, eta, ondorioz, ebakuntza egin beharko diote. Atzo hartu zuen min, Santanderren (Kantabria, Espainia) Racing taldearen aurka jokatu zuten partidan. Hasieran, erdialdeko kondiloa eta alboko lotailua zituela hondatuta uste zuten medikuek, baina bart Donostiako erietxe batean aztertu ondoren, lotailu gurutzatuak hautsita dituela ikusi dute.
Hau da, hasieran uste zena baino kalte handiagoa duela eskuineko belaunean. Realeko mediku zerbitzuek agertu dute "lesio konplexua" dela, eta oraindik ez dakitela ebakuntza noiz egingo dioten eta noiz arte egon beharko duen jokatu gabe. Hala ere, seguruenera, denboraldi honetan ezin izango duela berriro jokatu agertu dute iturri horiek.
Iruzkinak
Ez dago iruzkinik
Ordenatu
