Ehundik gora hil dira Ruandan uholdeen ondorioz

KIGALI. Eurite bortitzak izan dira azken egunotan Ruandan, eta horiek eragindako uholdeen ondorioz gutxienez 110 pertsona hil dira, Kigaliko agintariek emandako azken datuen arabera. Ugandan ere beste sei lagun hil dira, eta dozenaka dira zaurituak. Horrez gain, uholdeek kalte ugari utzi dituzte; besteak beste, ehunka etxe erori dira, eta zenbait errepide moztuta daude.