«Katalan zikina», «putakumea», eta «etorri hona, ausartzen bazara». Halakoak bota dizkiote Espainiako hainbat poliziak eta guardia zibilek Junts Per Catalunya alderdiko Laura Borras diputatuari eta taldeko prentsaburu Nerea Martiri gaur eguerdian, Madrilgo Kongresuan. Borrasek eta Martik taxi batean ihes egin behar izan dute, eta poliziek ibilgailua jo dute.
Aquesta era la gentada de JUSAPOL que, havent trencat el cordó policial, amb l’absoluta complicitat dels policies que els acordonaven (sembla un acudit); pujava per Carrera de San Jerónimo, i que nosaltres havíem de travessar! https://t.co/A7pEGTvzao
— Laura Borràs 🎗 (@LauraBorras) March 3, 2020
Hamabietan, eledunen bilkura zegoen Kongresuan. Ordurako, protesta egiten ari ziren poliziak legebiltzarretik gertu, baina lanean ari ziren beste poliziak hesia jarria zuten. Protestan zeuden poliziek, ordea, hesia gainditu eta Kongresua inguratu dute. Diputatua eta prentsa arduraduna atera direnean, poliziek ezagutu egin dute politikaria. «Begira, hori da Laura Borras», esaten zuten, Martik berak Vilaweb guneari kontatu dionez. «Jazarri egin zaizkigu, maskaraturik eta Espainiako banderekin», idatzi du Borrasek. Beste eraikin batean hartu dute babesa biek.
Baina Borrasek aireportura joan behar zuen, eta laguntza eskatu die Kongresuaren barruan zeuden poliziei. Ezin zutela erantzun diete, «jende faltarengatik», Martik kontatu duenez, Junts Per Catalunya eta BNG alderdietako hainbat teknikarik lagunduta atera dira, azkenean, taxira. Ibilgailuraino, ordea, bost bat metro egin behar izan dituzte oinez, eta hor berriz iraindu dituzte.
Borrasek kontatu duenez, aireporturako bidean gertaturikoaren berri eman dio Meritxell Batet Kongresuko presidenteari, eta eskatu dio ikertzeko «nola ukatu dieten babesa diputatuei polizia manifestari maskaratuek bengalekin mehatxatu dituztenean».
Un cop travessat el carrer, de la porta del @Congreso_Es a la del taxi eren 5 metres escassos però l’escridassada i els insults han estat brutals: ‘hija de puta’, ‘putos catalanes’....Els tècnics,garratibats, i el taxista també davant la passivitat dels PN que no es manifestaven.
— Laura Borràs 🎗 (@LauraBorras) March 3, 2020
Jusapoleko kideek ika-mika eragin zuten iazko apirilean Eusko Legebiltzarrean. PPk gonbidatuta joan ziren, Poliziaren biktimen legeaz egindako eztabaidara. Julen Arzuaga EH Bilduko legebiltzarkidearen hitzaldia eragotzi zuten «oihu eta irainen artean», Maialen Iriarte EH Bilduko bozeramaileak salatu zuenez Legebiltzarreko Mahaiari aurkezturiko kexa formalean.
