ETAri keinu garbi bat eskatu diote: "indarkeria utzi eta armak baztertzea", horrela, "lasaitasun klima" bat sortzen lagunduz, klima horretan, gatazkaren konponbidea aurkitzeko. Bestalde, euskal gobernuari, espainiarrari eta alderdi politiko guztiei" ere keinuak eskatu dizkiote. Agirian agertzen ez den arren prentsaurrekoan honela definitu dituzte keinu horiek: "presoak hurbiltzea, alderdien legea atzera botatzea eta elkarrizketan sakontzea".
"Bakearen aldeko pertsona eta elkarteak" direla diote agiriaren sinatzaileek, eta indarkeria guztien kontra egon direla beti: "gerra, errepresioa, tortura, terrorismoa eta genero biolentzia". "Heriotzen gainean ezin da proiektu politikorik eraiki", diote.
Euskal Herrirako "bakea eta justiziaz" osatutako etorkizuna nahi dutela, "hilketarik, mehatxurik eta jazarpenik gabe".Euskal Herrian proposatu daitezkeen "proiektu politiko guztiak" eztabaidatzearen alde azaldu dira.
Bide horretan, "azken urteetan ez zegoen" gobernu espainiarraren elkarrizketarako jarrera egokia dela diote.
Proposamena
'Euskal Herrirako Bakearen Aldeko Ekimena' aurkeztu dute Bartzelonan
Euskal Herrian "bakearen bidean abiatzeko une egokia" dela iritzi diote agiriaren sinatzaileek, beraz, urrats garrantzitsuak emateko garaia dela uste dute, bai ETArentzat, eta baita "euskal gobernuarentzat, espainiarrarentzat eta alderdi politiko guztientzat" ere. Besteak beste, Bake nobeldun Adolfo Perez Esquivel, Justicia i Pau elkarteko lehendakari Arcali Oliveras eta Fundacio per la Pau-ko presidente Alfons Bandak aurkeztu dute =iEuskal Herrirako Bakearen Aldeko Ekimena=i, Bartzelonan.
Iruzkinak
Ez dago iruzkinik
Ordenatu
