bolivia

Evo Moralesek %51ko babesa lortu du, botoen herena zenbatuta dutela

Boliviako gaurko presidenteak %14ko aldea kentzen dio Manfred Reyes hautagaiari. 2005ko hauteskundeetan %53 lortu zuen Moralesek.

2009ko abenduaren 09a
14:37
Entzun
Boliviako hauteskunde orokorretako botoen %30,7 zenbatuta dutela, Evo Morales gaurko presidenteak (MAS Sozialismorako Mugimendua) %51,2ko babesa lortu du. Manfred Reyes hautagaia (Konbergentzia Nazionala) geratu da bigarren, %37,5eko babesarekin.

Batasunak Nazionalak (UN; zentrokoa) %7,1 lortu du orain arteko zenbaketa ofizialaren arabera, Aliantza Sozialak (AS) %2,9.

2005ko abenduaren 18ko bozetan botoen %53,7 lortu eta herrialdeko lehen presidente indigena bilakatu zen Morales. Orain estatu eredu berria gauzatu nahi du hark, urteotan abian jarritako "iraultza demokratikoan eta kulturalean" sakontzeko asmoz. Batzar Plurinazionalak Diputatuen Ganbera eta Senatua bildu gura ditu bere baitan orain; tartean, erakundeak erreformatzeko gaitasuna izateko organo berriak: Auzitegi Konstituzionala, Auzitegi Gorena eta Hauteskunde Auzitegia.

Bolivian 1982an berriz ere demokrazia ezarri zutenetik, herrialdean egindako zortzigarren hauteskundeak izan ziren igandekoak. 25 urteotan hamar presidente izan dituzte, krisi politikoak tarteko.
Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Orain, aldi berria dator. Zure aldia. 2025erako 3.000 babesle berri behar ditugu iragana eta geroa orainaldian kontatzeko.