Hugo Chavez Venezuelako presidenteak eta Gurutze Gorriak gaur arratsaldean jakinarazi dute FARCek (Indar Armatu Iraultzaile Kolonbiarrak) bi bahitu askatu dituela. Clara Rojas eta Consuelo Gonzalez Perdomo dira FARCek aske utzi dituen bi lagunak, eta Chavezek dio hitz egin duela biekin, ondo daudela eta Venezuelara doazela.
Kolonbiako Presidenteordetzarako hautagai ohia da Rojas, eta 2002ko otsailaren 23an bahitu zuen FARCek. Gonzalez Perdomo, berriz, Kolonbiako parlamentari izandakoa da, eta 2001eko irailaren 10ean harrapatu zuten.
Venezuelako Gobernuko ordezkariek, Gurutze Gorrikoek eta beste zenbait lagunek osatutako talde bat Kolonbiako hego-ekialdera abiatu da gaur, bahituak jasotzera. Talde hartan joan da, besteak beste, Ramon Rodriguez Chacin Venezuelako Gobernuko Barne ministroa, baita Kolonbiako oposizioko kide Piedad Cordoba ere. Hau ibili da Chavezekin bahituak askatzeko bitartekari lanak egiten.
Mundua
FARCek bi bahitu askatu ditu
Clara Rojas eta Consuelo Gonzalez Perdomo dira Indar Armatu Iraultzaile Kolonbiarrek libre utzi dituzten bi lagunak.
Iruzkinak
Ez dago iruzkinik
Ordenatu
