Frantziako Errepublikako erretreten erreforma behin betikoa da dagoeneko, Kontseilu Konstituzionalak ontzat jo duelako gaur, PSren helegitea atzera botata. Nicolas Sarkozy Frantziako presidenteak bihartik aurrera izenpetu ahal izango du legea. Senatuak eta Asanblada Nazionalak duela bi aste onartu zuten erreforma. Sindikatuek adierazi dute borrokan segituko dutela.
Ondorioz, erretiroaren adina 60 urtetik 62ra atzeratuko du gobernuak, eta pentsioa oso-osorik jasotzeko eskubidea 65 urtetik 67ra atzeratuko du. Auzitegiak Sarkozyri gomendatu dio egitasmoko hainbat neurri beste lege batzuen bidez indarrean sartzeko.
Sindikatuak ekainean hasi ziren erreformaren aurkako protestekin, eta mobilizazio handiak izan dira; besteak beste, Baionan.
mundua
Frantziako Kontseilu Konstituzionalak ontzat jo du erretreten erreforma
Iruzkinak
Ez dago iruzkinik
Ordenatu
