Frogak faltsutzea egotzi diote Berlusconiri

ERROMA. Italiako Diputatuen Ganberako presidente Gianfranco Finiren gertukoek haren aurkako frogak faltsutzea leporatu zioten atzo Silvio Berlusconi lehen ministroari. Fini buru duen Etorkizuna eta Askatasuna alderdiko eledun Italo Bocchinoren esanetan, gobernuburuaren aldeko bi egunkaritan agertutako ustelkeria salaketak gezurrezkoak dira, eta Fini kargutik kentzea zen helburua.