Zehazki, "sustantzia paralizatzaileek" eragin dezaketela agertu du Valeri Kuznetxov Txetxeniako fiskalak. "Oraindik goizegi da atentatua izan dela esateko, baina aukera guztiak aztertzen ari gara", zehaztu du.
Xelkovski eskualdeko lau herritan agertu da gaitza: Starogladovskaia, Xelkovskaia, xelkozavodskaia eta Kobin. Herri horietan behin-behinekoz eskolak ixteko agindu dute agintariek. Ramzan Kadirov Txetxeniako jarduneko lehen ministroak (Errusiak ezarritakoak) Errusiako Armadari eskatu dio toxikologian adituak bidaltzeko jazotakoa ikertzeko.
Txetxenia
Gaztetxoen artean zabaldu den gaitz bat tarteko, eraso kimikoaren aukera aztertzen ari dira Txetxenian
Sintoma bertsuak dituen gaitz ezezaguna dute Txetxenia ipar-ekialdeko Xelkovski eskualdeko 53 gaztetxok, eta, ondorioz, atentatu kimikoaren aukera aztertzen hasi dira agintariak. Txetxeniako Ospitale Klinikoko buruek agertu duenez, 12-15 urte artean dute gaixotutako gaztetxoek, gehienak neskatoak dira, eta 20 minutu inguru irauten duten beldur boladak eta arnasa hartzeko zailtasunak dituzte. Osasun arduradunen arabera, sustantzia toxikoren batek eragin du gaitz hori.
Iruzkinak
Ez dago iruzkinik
Ordenatu
