Iraken okupazioa
Gutxienez 22 lagun hil dira eta 30 zauritu Bagdaden, bi atentatutan
Denbora tarte labur batean bi atentatu handi gertatu dira Bagdad erdialdean, eta gutxienez 22 lagun hil eta 30 zauritu dira haietan. Erasoetako batean, ekintzaile suizida batek gorputzera lotuta zeraman lehergaia eztandarazi du jatetxe batean, eta gutxienez 19 lagun hil dira. Bestean, bonba-auto bat leherrarazi dute Irakeko Poliziaren konboi baten aurka, eta hiru polizia hil dira eztandak harrapatuta.
Jatetxeko atentatuan 19 lagun hiltzeaz gain, gutxienez 22 zauritu dira, haietako hiru poliziak. Beste erasoan, berriz, zortzi dira gutxienez zaurituak, eta atentaua Poliziaren konboi baten aurka egin duten arren, zibilak daude zaurituen artean.
Iruzkinak
Ez dago iruzkinik
Ordenatu
