Irak

Gutxienez 24 lagun hil dituzte Iraken, bi atentatutan

Kirkuk hirian atentatua egin dute gaur goizean, eta 18 lagun hil eta 60 zauritu dituzte. Irakeko eta AEBetako Koordinazio Militarrekorako Bulegotik jakinarazi dutenez, erasoa suizida izan da. Hain zuzen ere, hiriko azoka batean bere gorputzera lotuta zeramatzan lehergailuak zartatu ditu pertsona batek. Ordu batzuk lehenago, bonba-autoa leherrarazi dute Bakuban, eta han, sei Irakiar hil dituzte, haien artean bi haur eta bi polizia.

2005eko ekainaren 14a

10:30

Entzun 00:00:00 00:00:00

Apirilaren 28an Irakeko Gobernua osatu zenetik, atentatuak etengabeak izan dira, eta gutxienez 850 lagun hil dira.

Gaur, bi atentatu izan dira, momentuz, eta haietan 24 lagun hil dituzte. Kirkuken egin duten erasoan 18 lagun hil dituzte, eta Bakuban, berriz, sei.

Aukeratu BERRIA gogoko iturri gisa Googlen. Aktibatu hemen

Iruzkinak

Ez dago iruzkinik

Ordenatu

Gehien irakurriak