Iraken okupazioa

Gutxienez 26 hildako Bagdaden, bi erasotan

Odoltsu hasi da eguna Bagdaden, gutxienez 26 lagun hil baitituzte bi erasotan. Batetik, erreboltari talde batek polizia etxe bati eraso diote Saidija auzoan, eta gutxienez hamabi polizia hil dituzte. Bestetik, bonba-auto bat leherrarazi dute Aldhamija auzoan, eta gutxienez 14 pertsona hil ditu eta 20 bat dira zaurituak. Zenbait iturriren arabera, Al Zarkauiren taldeak bere gain hartu ditu erasoak.

2004ko abenduaren 3a

11:59

Entzun 00:00:00 00:00:00

Bonba-autoak polizia etxe baten atzealdean egin du eztanda, baina zehazteke dago biktimak zibilak edo poliziak direnetz.

Nazioarteko hainbat albiste agentzia zabaltzen ari direnez, Abu Musab Al Zarkauiren taldeak hartu ditu bere gain eraso biak Interneteko atari batean eskegi duen agiri baten bidez.

Aukeratu BERRIA gogoko iturri gisa Googlen. Aktibatu hemen

Iruzkinak

Ez dago iruzkinik

Ordenatu

Gehien irakurriak