Gutxienez 36 lagun hil dituzte gaur Pakistanen gertatu den atentatuan. Hango armadako iturriek azaldu dutenez, zazpi ekintzailek lehergailuz eta tiroz egin dute eraso Islamabad ondoko Raualpindi hiriko gune militarreko mezkita batean. Iturri horien arabera, erasotzaileetako lau hil dituzte Pakistango segurtasun indarrek. Zaurituak, 45 izan direla erran dute. 14:00etan izan da erasoa —9:00ak Euskal Herrian—.
Pakistango Barne ministro Rehman Malikek jakinarazi duenez, ekintzaileetako bik gainean zeramatzaten lehergailuak zartarazi dituzte mezkitaren barrenean.
Iragan urriaren 10ean, gisako erasoa gertatu zen Raualpindin. Orduko hartan, hamar ekintzailek osatutako taldeak armadaren kuartel nagusiari eraso egin zion. Segurtasun indarretako hamahiru kide eta bederatzi erasotzaile hil ziren.
Mundua
Gutxienez 36 lagun hil dituzte Pakistanen, atentatuan
Islamabadetik hurbil izan da erasoa. 45 lagun zauritu dituzte.
Iruzkinak
Ez dago iruzkinik
Ordenatu
