India

Gutxienez 50 lagun hil dira New Delhin, hiru eztandatan

New Delhiko hiru merkatutan leherketak izan dira, hirurak ia aldi berean, eta gutxienez 50 lagun hil dira Gobernuko iturriek emandako datuen arabera. Zaurituak, berriz, 70 inguru dira. New Delhin ezagunenetakoak dira hiru merkatu horiek, eta jendez gainezka zeuden leherketak gertatu diren unean. Izan ere, asteartean Diwali jaia ospatzen dute, hinduen jaiegun handienetako bat. Indiako Barne Ministerioak "eraso terroristak" direla nabarmendu du, baina "terrorismoak" ez dituela bere helburuak lortuko.

2005eko urriaren 29a

18:34

Entzun 00:00:00 00:00:00

Barne eta Osasun ministerioetako iturriek agertu dutenez, dagoeneko 50 hilotz erietxeetan bilduta dituzte. Hala ere, hildako gehiago izatea litekeena dela agertu dute.

NDTV telebista kateak Polizia iturrietan oinarrituz zabaldu duenez, Sarojini Nagarko azokan gertatu da eztandetako bat, eta gutxienez 20 lagun hil ditu. Paharganjgo merkatuan gertatu da beste leherketa bat, New Delhiko tren geltokiaren parean, eta han 15 bat dira hildakoak.Govindpuriko azokako eztandan, berriz, gutxienez hiru dira hildakoak.

Barne Ministerioak leherketa horiek "eraso terroristen" ondorioz gertatu direla adierazi du, helburua "herritar inozenteak" direla, eta "terrorismoak" ez dituela bere helburuak lortuko.

Aukeratu BERRIA gogoko iturri gisa Googlen. Aktibatu hemen

Iruzkinak

Ez dago iruzkinik

Ordenatu

Gehien irakurriak