Hondamendi handiaren kezka ari da zabaltzen datuak iritsi ahala. Zarandek 15.000 bizilagun ditu, eta hango agintariek agertu dutenez, dagoeneko 196 gorpu jaso dituzte, baina hildakoak gutxienez 500 direla erantsi du. Zaurituak, berriz, asko: Zarandeko erietxeko buruak agertu du 5.000 badirela, eta Irango Gobernuko iturriek adierazi dute horiei zauri txikiagoak egin dituztenak erantsi behar zaizkiela.
Gainera, Zarand ondoko bi herriskatan bizi duten egoerak kezka handia piztu du. Izan ere, guztiz suntsituta daudela uste da, baina erreskate taldeek ezin dute hara iritsi errepideak etenda daudelako.
Goizeko seiak aldean jazo da lurrikara (hirurak inguru Euskal Herrian).
Lurrikara
Gutxienez 500 hildako Iran hego-ekialdeko lurrikaran
Richter eskalan 6,4ko indarra hartu duen lurrikarak astindu du Iran hego-ekialdea, eta, ondorioz, gutxienez 500 pertsona hil dira. Kerman probintziako Zarand herrian izan du epizentrua, Teheran hiriburutik 740 bat kilometrora. Inguru hartako eraikinen %70 hondatuta edo guztiz suntsituta geratu direla agertu dute agintariek.
Iruzkinak
Ez dago iruzkinik
Ordenatu
