Gutxienez 70 lagun hil dituzte gaur Pakistango Lahore hiriko bi mezkitaren aurkako erasoan, bertako Udaleko ordezkariek jakinarazi dutenez. Hango Poliziaren arabera, aldi berean egindako atentatuak izan dira. Poliziak dio armatutako ekintzaile taldeek tiroz eta lehergailuz eraso egin diotela mezkita horietan bildutako jendeari.
Lehenbiziko, Model Town auzoko mezkitari egin diote eraso. Bi orduko borrokaldiaren ondoren, egoera kontrolpean duela adierazi du Poliziak. Bigarren erasoa, berriz, Garhi Shahu auzoan gertatu da. Ekintzaileek hainbat lagun gatibu hartu dituzte hango mezkitan. Pakistango agintariek adierazi dute hor ere egoera kontrolpean duela Poliziak.
Mundua
Gutxienez 70 lagun hil dituzte Pakistanen, bi mezkitaren kontrako erasoan
Atentatua Lahore hirian izan da. Poliziaren arabera, ekintzaile taldeek tiroz eta lehergailuz eraso egin diote jendeari.
Iruzkinak
Ez dago iruzkinik
Ordenatu
