Hagako lau funtzionarioak askatu ditu Libiak

TRIPOLI. Iragan ekainaren 7an preso hartutako Nazioarteko Zigor Auzitegiko lau funtzionarioak aske utzi ditu Libiak. Hagak gizadiaren kontrako krimenak egotzi dizkio Saif al-Islam Muammar Gaddafi Libiako buru ohiaren semeari, eta hura kartzelan bisitatzera joan zirenean atxilotu egin zituzten Libiako indarrek funtzionarioak.