Ekaitza

Haize ekaitzak sei hildako utzi ditu Frantzian

Haize ekaitz handiak astindu zuen atzo Frantzia iparraldea eta ekialdea, eta gutxienez, sei hildako utzi ditu eta kalte material handiak eragi ditu. Oraindik, 60.000 etxebizitzak argindarrik gabe jarraitzen dute. Orduko 130 kilometroko abiadurako haize boladak ibili ziren.

2004ko abenduaren 18a

13:42

Entzun 00:00:00 00:00:00

Paris inguruan jazo ziren heriotzetatik hiru, haizeak botatako arbola eta teilatuak jendea azpian harrapatuta. Oise, Somme eta Aisne departamenduetan gertatu dira beste hiru heriotzak, haiek ere tankera bertsuan.

Gaur goizean 60.000 etxebizitzatan argindarrik gabe jarraitzen zuten, nahiz eta EDF argindar konpainia buru-belarri jardun hornikuntza bere onera eramateko ahaleginean.

Halaber, ekaitzak kalte material handiak eragin ditu leku askotan, eta aireportuetan, tren zerbitzuan eta beste garraiobideetan arazo eta atzerapen handiak eragin zituen.

Aukeratu BERRIA gogoko iturri gisa Googlen. Aktibatu hemen

Iruzkinak

Ez dago iruzkinik

Ordenatu

Gehien irakurriak