Hauteskunde eguna dute gaur Sierra Leonan

FREETOWN. Presidentea, parlamentua eta udaletako agintariak aukeratuko dituzte gaur Sierra Leonan; Ernest Bai Koroma presidentearen APC alderdia da faborito. Inkesten arabera, ordea, SLPP oposizioko alderdiak gehiengo osoa lortzea eragotz diezaioke. Alde guztiek akordio bat sinatu dute «hauteskunde baketsu, libre eta sinesgarriak» izan daitezen.