Hauteskundeetarako hiru egun falta direla, erresistentziaren erasoak ugaritu egin dira

Irakeko erresistentziak ekintza ugari egin ditu azken orduetan. Erasorik bortitzenak Bagdad iparraldean eta Kirkuken izan dira. Goizean bonba-auto bat lehertu da Kirkuken, Polizia- etxearen parean. Al Arabiya telebista kateak jakitera eman duenez, hainbat lagun hil dira leherketaren ondorioz. Hala ere, hildako lagunen kopurua ez dute zehaztu. Azken 24 orduetan lau bonba-auto lehertu dira Kirkuken. Bagdad iparraldean, berriz, gutxienez bost lagun hil dira guardia nazionalen konboi baten aurka egindako erasoan.