Gipuzkoako Foru Aldundiaren ustez, Jean Baptiste Salaberri Hendaiako alkateak (Lapurdi) Hondarribiko (Gipuzkoa) aireportuaren pista luzatzeko akordioaz zabaldu duen "alarma mezua errealitatetik kanpo" dago. Salaberrik atzo zioen aztertzen ari dela akordioa auzitegietara eramatea eta, Eneko Goia Aldundiko bozeramailearen arabera, "lekuz kanpo" daude adierazpen horiek.
Hondarribiko aireportua berrehun metro luzatzearen aurka agertu dira Hondarribiko eta Hendaiako Udalak. Luzatzearen erabakia Eusko Jaurlaritzak eta Espainiako Gobernuak hartu berri dute.
Goiaren ustez, Salaberri da "gainditu beharreko oztopoetako bat" eta adierazi du Hendaiako auzapezaren kexari ez diola "zentzurik" aurkitzen. Aireportua luzatzea eraginkortasunari eusteko "beharrezkoa" dela iritzi dio Goiak, eta Aldundiak "Gipuzkoaren interesa" babestuko duela.
Azpiegiturak
Hendaiako alkateak aireportuaz "errealitatetik kanpoko alarma" piztu duela dio Gipuzkoako Aldundiak
Jean Baptiste Salaberrik atzo zioen aztertzen ari dela Hondarribiko pista luzatzeko akordioa auzitegietara eramatea.
Iruzkinak
Ez dago iruzkinik
Ordenatu
