Hiru lagun hil ditu tiroz Italiako auzitegi batean porrot egindako enpresari batek

MILAN. Milango Justizia Auzitegian gizonezko batek hiru lagun hil zituen tiroz atzo, eta beste bat zauritu zuen. Angelino Alfano Barne ministroaren arabera, kiebran dagoen 37 urteko enpresari bat da erasotzailea. Haren aurkako epaiketan hiru pertsona tirokatu zituen, eta horietako bi hil —bat ospitalean hil zen—. Ondoren, bulego batean sartu, eta kiebra auziez arduratzen zen epaile bat hil zuen. Carabinieri-ek Milandik 30 kilometrora dagoen hiri batean atxilotu zuten, ondoren.