Hiru pertsona hil dira Alemania hegoaldean gertatutako tren istripu batean. Beste 41 zaurituta daude; horietako batzuk, larri. Baden-Wurttemberg estatuan gertatu da ezbeharra; Sigmaringenetik Ulmera zihoan trena.
Ehun bidaiari inguru zeramatzan trenak, eta haren bi bagoi errailetatik atera ziren atzo arratsaldean. Alemaniako agintariek esan dute litekeena dela istripua lotuta egotea azken euriteekin. Erauntsiak luizi bat eragin zuela uste dute; hondakin horiek trenbidea oztopatu eta ezbeharra eragin zuten, azaldu dutenez.
Friedrich Merz kantzilerrak adierazi du «hunkituta» dagoela, eta doluminak eman dizkie biktimei eta haien senideei.
