130 hildakotik gora eragin zituzten eraso haiek, 2015eko azaroaren 13an. Egileen artean Abdeslam (1989) izan zen bere buruaz beste egin ez zuen bakarra. Handik hilabete batzuetara atxilotu zuten Bruselan, 2016ko martxo erdialdean, Poliziarekin tiroketa bat eduki ondoren. Hain zuzen, Bruselako "molde terroristako" gertakari horregatik zigortu du Abdeslam Belgikako auzitegi batek. Sofien Ayari haren konplize zenari zigor bera ezarri diote.
Abdeslamen abokatua ez dago ados kondenarekin, eta jakinarazi du epaiari helegitea jarriko diola baldin eta haren bezeroak hala nahi badu.
