Ez da ezustekorik izan. Duela astebete bezala, gaur egin den bigarren itzulian ere nazionalistak izan dira nagusi. Emaitza ofizialak gauerako espero badituzte ere, lehen emaitzetan oinarritutako zundaketek botoen %56,9 ematen dizkiete.
Bigarren tokian geratu dira, nazionalistengandik oso urrun, eskuineko hautagai Jean-Martin Mondolonirenak, botoen %16,5ekin; eta hirugarren leudeke errepublikanoak Valerie Bozzi buru, botoen %13,3rekin. Azken horrekin berdinduta, berriz, En Marchekoen zerrenda.
Duela astebete bezala gaurkoan ere abstentzioa handia izan da, %48 ingurukoa Ipsos etxearen arabera. Orotara uharteko 538 hautes eskola zabalik izan dira goizeko zortzietatik aurrera, eta arratsaledeko seirak arte.
