Irakeko Gobernua eratzeko agindua jaso du Al Malikik

BAGDAD. Jalal Talabani presidentearen gobernua eratzeko eskaera ofiziala jaso zuen atzo Nuri al Malikik. Lehen ministroak 30 eguneko epea izango du orain 38 ministroz osatuta egongo den exekutiboa eratzeko; Parlamentuaren sostengua beharko da ondoren. Martxoan hauteskundeak egin eta zortzi hilabetera egin zuten alderdiek gobernatzeko akordioa.