Irakeko Tikrit hirian 40 lagun hil dira, gutxienez, eskualdeko gobernu egoitzari erasota. Segurtasun indarrek erasotzaileak hil dituzte eraikina berreskuratu ahal izateko.
Poliziaz jantzitako hainbat lagun eskualdeko gobernu egoitza zaintzen ari ziren agenteei oldartu zitzaizkien, eta eraikina euren eskuetan hartu zuten atzo goizean.
Polizia eta armada erasotzaileak kanporatzen saiatu zirenean, bonba auto bat zartarazi zuten eta hainbat hildako eragin. Hori horrela, etxeratze agindua ezarri zuten hiri osoan. Hildakoak 70 ere izan daitezkeela uste du Poliziak. Reuters berri agentziako kazetari bat dago biktimen artean.
Iraken, gobernu egoitza bati eraso diote, eta gutxienez 40 lagun hil dira
Segurtasun indarrek erasotzaileak mendean hartu ostean, Tikrit hiriko egoitza berreskuratu dute
Iruzkinak
Ez dago iruzkinik
Ordenatu
