Israelek palestinar bat hil du Jerusalemen

Israelgo soldadu batek palestinar bat hil du bart tiroz Jerusalem ekialdean, Siluan auzoan. Israelen arabera, aurretik hainbat palestinarrek Elad erakundeko eraikinaren ondoko errepidea itxi egin dute, Israelgo Poliziari harrika hasi dira eta orduan egin du tiro militarrak.

Aldiz, Jawad Halawani ekintzaileak adierazi du palestinarrek ez dutela liskarrik sortu eta, ohi bezala, trafiko arazoak zeudela han, besterik ez.

32 urteko gizonezko bat da hildakoa: Samer Sarhan. Beste palestinar bat zaurituta dago; honek ere tiroa jaso du. Israelgo irrati kate publikoak dio polizia batek zauriak dituela.

Israelek Palestinan okupatutako eremuetan lurrak erosten ditu Eladek. Joera eskuindarreko erakundea da.