Orain arte, NBEn Israelen kontrako jarreraren bat hartzeko saiakera egin den bakoitzean AEBen oztopoa egon da, baina, atzo, abstenitu eta NBEk Israelen jarrera gaitzestea onartu zuten esatubatuarrek.
NBEn Israelek duen enbaxadore Dan Guillermanek esan dutenez, "tamalgarria" da herrialdeei "palestinaren makinari propagandistikoak" horrela eragitea, eta Gazan daramaten borroka "beharrekoa" dela azpimarratu du "palestinar terroristekin amaitzeko". Gainera, palestinarrak lurrazpiko tunelak egiten ari direla esan du Egiptotik armak sartzeko, eta horregaitik botatzen dituztela etxeak.
Palestinako Autoridade Nazionalak (PAN) "oso urrats garrantzitsua" dela esan du, "Israelek operazioak bertan behera uzteko".
Ekialde Hurbila
Israelek Rafan egindako sarraskia gaitzetsi du NBEk
Nazio Batuen Erakundeak (NBE) Israelek azken egunetan Gazan egindakoa kondenatu zuen atzo gauean, azken urte eta erdian lehen aldiz. Nolanahi ere, AEBak abstenitu egin ziren. Ebazpenean, hilketak egitea eta etxeak botatzea salatu dute. AEBek "desengainatu" egin dituztela esan dute Israelgo buruzagiek, hain justu, Segurtasun Kontseiluko gainerako kideek haien abstentzioa baliatu zutelako gaitzespen ebazpena aurrera ateratzeko. PANen ustez, berriz, gaitzespena "oso urrats garrantzitsua" da.
Iruzkinak
Ez dago iruzkinik
Ordenatu
