Israelgo Mugetako Poliziak palestinar bat hil, eta beste bi zauritu ditu tiroz, Jerusalem ekialdean. Polizia iturrien arabera, hiru palestinarrak auto batean iritsi ziren israeldarrek okupatutako Malee Adumin hiritik gertu dagoen kontrolgune batera, eta Poliziaren aginduei kasu egin gabe, muga gainditu zuten. Poliziek tiroz erantzun zieten, eta hiru palestinarrak larri zauritu ziren. Borroka horretan, polizietako bat ere zauritu zen.
Zisjordaniako Ramallahen dagoen erietxera eraman zituzten zaurituak. Han hil zen 40 urteko palestinarra. Beste biek zauri arinagoak dituzte. Poliziak jakinarazi du martxan jarri duela gertatutakoaren inguruko ikerketa.
Israelgo Poliziak palestinar bat hil du tiroz, Jerusalem ekialdean
Beste bi palestinar ere zauritu dira Malee Adumin hiritik gertu izandako gertakarian
Iruzkinak
Ez dago iruzkinik
Ordenatu
