EKIALDE HURBILA

Israelgo tropak erretiratzeko eskatu dio Libanok NBEri

Libanoko presidente Emile Lahoudek Israelgo Armadaren itsasoko eta aireko tropak erretiratzeko eskatu dio NBE Nazio Batuen Erakundeari. Israel su-eten ebazpena betetzera derrigortzeko eskatu dio Lahoudek.

2006ko abuztuaren 24a

19:08

Entzun 00:00:00 00:00:00

Libanok NBEko Segurtasun Kontseiluak hilaren 11n adostutako 1701 ebazpena bete duela esan du Lahoudek. Israelek txostenean esandakoa urratu duela salatu du Libanok. Horren harira, NBEko idazkari nagusi Kofi Annani Libanoko erasoekin amaitzeko eskatu dio Lahoudek.

Libanoko lehen ministro Fuad Siniorak AEB Amerikako Estatu Batuei Israelgo Armadaren blokeoarekin amaitzeko laguntza eskatu eta biharamunean egin ditu adierazpen hauek Lahoudek.

Bestalde, NBEren indarrak hedatu arte ez dituela tropak aterako esan zuen atzo Israelgo lehen ministro Ehud Olmertek.

Aukeratu BERRIA gogoko iturri gisa Googlen. Aktibatu hemen

Iruzkinak

Ez dago iruzkinik

Ordenatu

Gehien irakurriak