Italiako Poliziak Calabriako Ndrangheta mafiaren aurkako operazioa egin du gaur goizean, eta ustez erakunde horretako kide diren 142 pertsona atxilotu ditu. Operazioa Italiako hainbat eskualdetan burutu da aldi berean, eta 70 milioi euro inguru balio duen ondasuna konfiskatu dute, tartean, hainbat etxe.
Calabriaz gain, Milanen, Turinen eta Modenan izan dira atxiloketak. Droga trafikoa, armak legez kanpo gordetzea eta estortsioa leporatzen zaie atxilotuei besteak beste. 1.300 polizik hartu dute parte operazioan.
Beste operazio batean, gainera, Carmine Amato atxilotu du Poliziak, Napoliko Camorra mafiako Amato-Pagano taldearen ustezko burua.
