Itsasikarak adina hildako eragin ditzakete izurriek

David Nabarro OME Osasunerako Mundu Erakundeko Krisietarako Unitateko zuzendaria da. Haren esanetan, izurriak galaraztea da orain lehen egitekoa, «horiek tsunami-ek adina hildako eragin ditzaketelako». Kutsatutako ura dela eta, gaixotasun kutsakorrak sor daitezkeela azaldu zuen: «Beherakoa eta arnas aparatuarekin lotutako gaixotasunak agertzeko arriskua handia da. Dengea eta malaria ere zabal daitezke». Horiek guztiek haurren artean eragiten dute kalte gehien. Era berean, gorpuak kalean pilatzea ez dela «osasunerako oso kaltegarria» adierazi zuen eta bestelako arriskuei aurre egiteko beharra nabarmendu zuen.