Itsasoan galduriko hiru gazte aurkitu dituzte Fijin

WELLINGTON. Itsasoan 50 egun galduta zeramatzaten hiru gazte aurkitu zituzten atzo. Zeelanda Berriko Tokelau uhartekoak dira, eta 14 eta 15 urte dituzte. Urriaren 5ean itsasoratu ziren batel batean, eta senideek hiltzat jo zituzten. Atunketari batek onik aurkitu zituen asteazken iluntzean; Fiji uharteetatik ipar-ekialdera zeuden.