Ukraina

Janukovitxek hauteskundeen emaitzen kontra egingo du Ukrainako Auzitegi Gorenean

Aurreikuspen guztiak betez, Viktor Justxenkok irabazi ditu Ukrainako bozak. Presidentea aukeratzeko bozen bigarren txandan iruzurra egin zela-eta, bertan behera bota zituzten emaitzak, eta atzo errepikatu zuten botazioa, 12.000 behatzaileren begiradapean. Justxenkok esan zuenez, "aro berri" batetan daude Ukrainan, eta "demokrazia handi baten hasieran". Victor Janukovitx ez da konformatu, ordea emaitzekin, eta Ukrainako Auzitegi Gorenean emaitzen kontra egingo duela iragarri du. Bere ordezkari batek esan duenez, "irregulartasun sistematikoak" izan ziren atzoko hauteskundeetan.

2004ko abenduaren 27a

16:02

Entzun 00:00:00 00:00:00

Viktor Justxenkok bozen %54,08 lortu zituen, eta Viktor Janukovitxek, berriz, %42,13.

"Gertatu da. Herriak irabazi du" esan zuen Justxenkok atzo,emaitzak jakin zirenean. "Urte politiko berri bat hasten da gaur, giza eskubideen mespretxua amaituko den garaian".

Oraindik ordea ezin dira amaitutzat eman hain liskartsuak izan diren hauteskundeak. Izan ere, hasieran hauteskundeen garaile atera arren bigarren buelta errepikatu denean galtzaile izan den Viktor Janukovitx ez dago konforme emaitzekin, eta Ukrainako Auzitegi Gorenean emaitzen kontra egingo duela esan du.

Janukovitxen ordezkari batek esan duenez, "irregulartasun sistematikoak" izan ziren atzoko hauteskundeetan, eta horixe azaldu nahi dute Ukrainako Auzitegi Gorenean.

Aukeratu BERRIA gogoko iturri gisa Googlen. Aktibatu hemen

Iruzkinak

Ez dago iruzkinik

Ordenatu

Gehien irakurriak