Staropromislovskiauzoan gertatu da atentatua, hau da, Txetxeniako Gobernuaren hainbat egoitza dauden gunean. Leherketak gehien kaltetu duena Justizia Ministerioaren Lurralde Departamendua izan da; eraikin hori, ia suntsituta geratu da. Halaber, sei metroko diametroko eta lau metroko sakonerako zuloa egin du lehergailuak lurrean.
Vladimir Kravchenko Txetxeniako fiskalaren arabera, iragan abenduan Txetxeniako Gobernuaren egoitza suntsitu eta 80hildako utzi zituen leherketaren parekoa izan da gaurkoa.
Txetxenia
Kamioi-bonba batek gutxienez bi lagun hil eta 36 bat zauritu ditu Groznin
Lehergailuz beteriko kamioi bat lehertarazi dute gaur eguerdian Groznin, Txetxeniako hiriburuan. Eztanda ikaragarria izan da, eta gutxienez bi lagun hil ditu eta 36 bat dira zaurituak. Txetxeniako Barne Ministerioak emandako azalpenen arabera, eraso suizida izan da, bi lagun baitzihoazen kamioian zartarazi dutenean.
Iruzkinak
Ez dago iruzkinik
Ordenatu
