Kanadako Gobernuko Defentsa Ministerioak jakinarazi du bertako lau soldadu eta kazetari bat hil dituztela Afganistanen, eurak zihoazen ibilgailu ondoan bonba lehertuta.
CBC Kanadako telebista publikoaren arabera, hildako kazetaria Michelle Lang Calgary Herald hedabideko kidea da. Lang lehen aldiz zen joana Afganistanen lanera, eta hura da han hil den aurreneko kanadiar kazetaria. Zendutako militarren kopurua, berriz: 138. Kanadak gaur egun 2.500 soldadu inguru ditu Afganistanen, eta gobernuak iragarria du 2011n aterako dela handik.
Kandahar hiritik lau kilometrora izan da erasoa, eta beste lau kanadiar militar eta funtzionari bat zauritu egin dira.
munDUA
Kanadako lau soldadu eta kazetari bat hil dituzte Afganistanen
Kandaharretik gertu egin dute atentatua, haiek zihoazen ibilgailu ondoan bonba lehertuta.
Iruzkinak
Ez dago iruzkinik
Ordenatu
