KANPOKO ERRUDUNEN BILA

Bielorrusiako KGBk hainbat lagun atxilotu zituen atzo, bezperan Minskeko metroan bonba bat jartzeaz akusatuta. Lehergailuak hamabi lagun hil zituen eta ehunka zauritu. KGBk ez du argitu zenbat lagun harrapatu dituen ezta zein helburu zuten ere, baina Aleksandr Lukaxenko presidenteak esan du agian «kanpoko opari bat» dela, Bielorrusia desegonkortzeko. Oposizioak nabarmendu du atentatuak kalte egiten diola. Irudian, biktimen aldeko lore sortak, Minsken.