Espainiako Europa Press albiste agentziak antolatzen dituen gosarietan egin ditu adierazpen horiek Zapaterok.
Katalunia, Euskal Herria eta Galizia nazio direla iruditzen zaio galdetu diote, eta herrialde horiek "identitate indartsua" dutela erantzun du, baina Espainiako Konstituzioaren 2. artikuluan argi eta garbi esaten dela nazio kontzeptua "Espainiaren osotasuna" izendatzeko soilik dela baliagarria.
Hori dela eta, Kataluniako Estatuaren lehen artikulua aldatu egin behar dela iritzi dio Zapaterok, Katalunia nazio dela esaten baita testu horretan. Dena den, artikulu horrek Kataluniaren "identitate sendoa" jaso behar duela erantsi du, baina baieztapen hori bateragarri egin behar dela Espainiako Konstituzioaren 2. artikuluarekin.
Kataluniako Estatutua
Katalunia nazio dela baieztatzen duen artikulua aldatu egingo dutela iragarri du Zapaterok
Kataluniako Parlamentuak onartu duen Estatutu berriaren lehen artikulua, Katalunia nazio dela baieztatzen duena, Espainiako Kongresuko eztabaidan aldatu egingo dutela ziurtatu du gaur Jose Luis Rodriguez Zapatero Madrilgo Gobernuko presidenteak. Aldaketa, "negoziazio formula" bat erabiliz egingo dutela zehaztu du, eta helburua Kataluniaren "identitate sendoa" eta nazio bakarra Espainia dela dioen Konstituzioaren 2. artikulua bateragarri egitea izango dela.
Iruzkinak
Ez dago iruzkinik
Ordenatu
