Hizkuntzak

Katalunian lan egiteko bisatua duten marokoarren %40ri katalan eskolak ematea lortu du Generalitateak

Aurten Katalunian lan egiteko bisatua lortu duten marokoarren %40ri katalan eskolak ematea lortu du Generalitateak Marokon duen ordezkaritzak. Hain zuzen ere, Angel Colom Kataluniako Gobernuaren Marokoko ordezkariak eman du datu hori. Den dela, Espainiako enbaxadak Generalitateak Marokon duen ordezkaritzaren lana oztopatzen duela salatu du Colomek.

2003ko urriaren 2a

20:01

Entzun 00:00:00 00:00:00

Besteak beste, Espainiako enbaxadak aurten Katalunian lan egiteko baimena lortu duten marokoarren datuak ukatu dizkiela jakinarazi du Colomek, eta gobernuz kanpoko erakundeen zein enpresen bidez, nahiz etorkinen euren ekimenez jarri ahal izan dutela haiekin harremanetan.

Guztira 140 marokoarrekin jarri da harremanetan Generalitatearen ordezkaritza, eta katalan eskolak zein Kataluniako errealitate kulturalari buruzko ikastaroak eman dizikiete. 140 marokoar horiek aurten, orotara, Kataluniara joango direnen %40 direla uste du Colomek.

Aukeratu BERRIA gogoko iturri gisa Googlen. Aktibatu hemen

Iruzkinak

Ez dago iruzkinik

Ordenatu

Gehien irakurriak